Երգում է 《Նռանե 》դաստիարկների խումբը

Նռանե համույթը մի փոքր փոփոխել է սեմինարի անցկացման ֆորմատը։ Երգում ենք ու ճկույթ֊ճկույթի բռնած շորորում։ Իմպրովիզներ լինում են , երբեմն էլ մի փոքր ակտիվանում շարժումները, բայց սիրելի ֆորմատ է, բոլորիս ոգևորել է։

Պարում ենք ու երգում ենք 《Մեր տան իտև》սիրուն ու շորոր մի կատարում։

Շարունակել կարդալ “Երգում է 《Նռանե 》դաստիարկների խումբը” →

Հարթակում ծնողն է

Վայրը` Հյուսիսային դպրոց-պարտեզ, Արտասահման

Օրը` 22 նոյեմբերի ժամը 13։30

Մասնակիցներ` կրթահամալիրի ծնողներ, դաստիարակներ, հյուրեր։

Այս անգամ ծնողական սեմինարը կազմակերպվում է Հյուսիսային դպրոց-պարտեզի նախակրթարանի ծնող, կլինիկական հոգեբան, iLs թերապիստ Հռիփսիմե Աղաջանյանի հրավերով։

Պատասխանատու ` Անուշ Ավետիսյան, Սոնա Կարապետյան, Գոհար Հարությունյան, Արմինե Եղիազարյան։

Սեմինարի անվանում՝ Դաստիարակություն, թե ժամանակակից սխալներ

Համառոտ նկարագիր՝ Հանդիպման ընթացքում ներկայացվելու է դաստիարակության տարբեր մոտեցումները, սխալները, բացթողումները(վաղ զարգացում, մուլտֆիլմ,պատիժ,վարք ու խոսքի հետ կապված դժվարություններ),որոնք խոչընդոտում են երեխայի մտավոր ու հոգեբանական առողջ զարգացմանը։
Այնուհետեվ մի քանի խաղ-,վարժություններ,որոնք գործնականում կօգնեն հասկանալ ու գիտակցել ծնողի բացթողումները,անհանգստությունները ու մոտեցումները դաստիարակության հարցում։

Նպատակը՝ Հանդիպման նպատակն է վերանայել ու հասկանալ ,թե որն է ձեր դաստիարակության փիլիսոփայությունը։

Ֆեսբյուքյան հրավեր՝ https://fb.me/e/2Ou8smdZg

Մարզական և բուսասեր ծնողների հետ

Չնայած ձյունոտ և թաց եղանակին, Հյուսիսի ծնողական համայնքը նորից միասին է։ Անուշ Թորոսյանի և Անժելա Բլեյանի նախագծերով օրը սկսեցինք Մայր դպրոցի մարզասրահից։ Վազք, թռիչ բատուտից, գլուխկոնծիներ, էստաֆետային խաղեր, թենիս, հետո արդեն հեծանվավարություն բակում։

Ֆեյսբուքյան ուղիղ եթերները Լուսինե Հովհաննիսյանից։

Մուտք թատրոն

Երևի հիմա կմտածեք , որ թատրոնում աշխատանքի եմ անցել կամ մի փոքրիկ դեր ունեմ խաղալու։ Ը՜մ, կարելի է և այդպես մտածել, քանի որ թատրոնում` կյանքում կարևոր է խոսքի կուլտուրան իր բոլոր շերտերով, ապա այո’, ես թատրոնում սկսում եմ խոսքից։ Ինչպես խոսել , ինչպիսի վարժություններով մերսել բերանի ողջ մկանային համակարգը, ինչպես նյարդային նոպայից հանգիստ խարիսխ գցել խաղաղ օվկիանոսում և ինքնավստահ խոսել։ Խոսել խմբում սաների մոտ, ծնողների, ընտանիքի անդամների, հանրության , կարևոր իվենթների , ղեկավարի հետ ։ Չկարծե’ք հեշտ է, անգամ ամենապարզ թվացող թեմաների շուրջ կարելի է շփոթության մեջ ընկնել և տգեղ իրավիճակում հայտնվել խոսքի ոչ ճիշտ մատուցման պատճառով։ Ինչպես խոսել չգոռալով , որ 300քառ.մ տարածքում ձայնդ լսվի բոլոր անկյուններում կամ խոսել գեղեցիկ, ոչ քաղքենի բառապաշարով, այլ հավես ու կյանքից , կյանքով լցված բառերով։

Շարունակել կարդալ “Մուտք թատրոն” →

Մարզական սեմինար ծնողական համայնքի հետ

Մասնակիցներ՝ Հյուսիսային դպրոցի ծնողներ, սաներ

Պատասխանատու՝ Անուշ Թորոսյան, Հրայր Հովհաննիսյան

Մարզադպրոցի պատասխանատու`

Միքայել Ղազարյան

Վայրը`Մայր դպրոցի մարմնամարզության սրահ

Օրը ՝ 20․02․2021

Ժամը՝ 11։00-13:00

Մարզական հանդերձանքը`

Մարզահագուստ, մարզակոշիկ

Անհրաժեշտ պարագաներ՝

Գնդակներ
Օղակներ
Բուլավաներ
Ցատկապարան

Ընթացքը՝

Շարային վարժություններ
Նախավարժանք՝ քայլք ոտնաթաթերի, կրունկների վրա, քայլք կիսանստած, թեթև վազք, շնչառական վարժություններ
Պարանոցի, ուսագոտու, կոնքի, մեջքի պտույտներ
Օղակի պտտում՝ տեղում և ընթացքով
Ցատկեր ցատկապարանով
Մարմնամարզական ներքնակի վրա գլուխկոնծիներ առաջ և հետ, կանգ թիակների վրա, պառկած դրությունից ոտքերի բարձրացում թեքում առաջ
Վարժություններ բատուտի վրա:
Մարզական խաղեր:

Նկարագրություն

Մասնակիցները բաժանվում են երկու խմբի։ Առաջին կանգնածները վազում են մինչև եզրագիծը, վերադառնում, բռնում իրենցից հետո կանգնած ընկերոջ ձեռքը և նորից վազում, հետո ավելանում է երրորդը, չորրորդը․․․

Մասնակիցները բաժանվում են երկու խմբի և կանգնում ոտքերը լայն բացված։Առաջին կանգնած մասնակիցը գնդակը գլորում է մինչև շարքի վերջ։ Վերջում կանգնած մասնակիցը գնդակը բռնում է և վազում առջև, այդպես խաղում են մինչև շարքի ավարտը ։ Հաղթում է այն թիմն, որն ավելի արագ և ճկուն է խաղում։

Ծնողները բաժանվում են երկու խմբի, որից հետո յուրաքանչյուր խմբին հատկացվում են մի քանի օղակներ: Յուրաքանչյուր խմբում սովորողներից մի քանիսը բռնում են օղակները, իսկ մնացած մասնակիցները ըստ հերթականության անցնում են օղակների միջով ՝ առանց դիպչելու: Կհաղթի այն խումբը, ով առաջինը կհասնի պատին:

Հեծանվավարություն`

Հեծանիվ վարելիս պետք է հիշել.

չի կարելի այն վարել երթեւեկության հակառակ ուղղությամբ
խստորեն պահպանել աջ կողմում մնալու կանոնը
ձեր մտադրությունների մասին (թեքվել, կանգնել, առաջ անցնել եւ այլն) պետք է նախապես զգուշացնել մյուս վարորդներին
չսահելու համար կտրուկ չարգելակել
ուշադիր լինել հետիոտների նկատմամբ, որոնք հաճախ ցանկանում են փողոցն անցնել ամենաանսպասելի ու վտանգավոր վայրերում
ուշադիր լինել ավտոմեքենանների վարորդների նկատմամբ, քանի որ վազանց կատարելիս մեքենան կարող է ուժեղ օդային ալիք բարձրացնել, որի հետեւանքով դուք կարող եք կորցնել հավասարակշռությունն ու ընկնել
եթե մի քանի հոգով եք, ապա պետք է շարժվել մեկը մյուսի հետեւից
երեկոյան ժամերին պետք է հագնել վառ գույնի հագուստ եւ հետեւել, որ հեծանվի լույսն անդրադարձնող դետալները կատարյալ մաքուր լինեն
պայուսակներն ու փաթեթները տեղադրել միայն բեռների համար նախատեսված տեղում
կատարել ճանապարհային նշանների պահանջները
ուրիշներին բուքսիրի չվերցնել, ոչ էլ խնդրել, որ ուրիշները ձեզ վերցնեն
արագության մրցարշավներ չկազմակերպել
շփվող դետալները մշտապես պատել յուղով
փողոցում տրանսպորտային միջոցների ընդհանուր հոսանքի մեջ մյուսներից անվտանգ հեռավորություն պահպանել
ավազով, սառույցով, ձյունով պատված կամ դժվար ճանապարհներին արագությունը նվազեցնել։